جامعة القاهرة للتعليم المفتوح - منتديات المنار التعليمية

مواقع صديقة
http://extreme-english-learn.blogspot.com.eg مدونة اللغة الانجليزية

جامعة القاهرة للتعليم المفتوح - منتديات المنار التعليمية

منتديات طلاب التعليم المفتوح جامعة القاهرة .. تعليمية - ثقافية - اجتماعية
 
الرئيسيةالبوابةس .و .جبحـثالتسجيلدخول

شاطر | 
 

 هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4  الصفحة التالية
كاتب الموضوعرسالة
dream
عضو برونزى
عضو برونزى



مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   السبت 25 يوليو 2009, 3:09 pm

السلام عليكم
يا سيادة المدير كلامى كان واضح ان شهادتنا غير معترف بها لدراسة الماجستير فى جامعة القاهرة او غيرها وده كان رد على السؤال المطروح
وبالنسبة للنقابة فللان لا توجد اساسا نقابة للمترجمين
وهذا ليس معناه كما قلت سيادتك انها لاتذكر فى البطاقة
لالالالالالالالالالا بل تذكر كمعلومة بالبطاقة وايضا يتم توثيقها من الخارجية
وعلى فكرة التوثيق من الخارجية لا يمنح اى اهمية للورقة المصدق عليها وانما هو يعنى ان اختام الجهة المانحة لهذه الورقة هى اختام صحيحة هذا هو معنى التصديق

وبالنسبة يا داليا و يا رانيا للشروط المذكورة للماجستير سواء بالقاهرة او عين شمس فهى لا تنطبق علينا ولا ينطبق علينا سوى شروط الدبلومات التطبيقية
وفى النهايةالمهم هو المستوى يا حضرات وده هو الذى يفرض نفسه فى سوق العمل ومثال لذلك هل استطيع انا بهذا المستوى ان اتقدم لاى امتحان واقول شغلونى مترجمة !!!!!! وعلشان اكون صريحة اكتر لو جانى اى حد بمستواى ده علشان اشغله فلن اسلمه اكتر من البوفيه وهكون قلقانة كمان !!!!

واخيرا خير يا استاذ احمد لماذا سوف تتغيب عن المنتدى
الرجوع الى أعلى الصفحة اذهب الى الأسفل
a.h.issmail
Ultimate Member
Ultimate Member


مركز التسجيل : ترم رابع يابني ادمين


مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   السبت 25 يوليو 2009, 3:13 pm

فترة نقاااااااااااااااااااااااهة


ومش من المنتدي والله
كل الي بعمله باخد شنطة هدومي واسيب الباقي كله في بيتنا الموبايل الكمبيوتر مبيبقاش في في الشقة الا انا والطبيعة والشيشة وبارك الله فيما رزق
الرجوع الى أعلى الصفحة اذهب الى الأسفل
dream
عضو برونزى
عضو برونزى



مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   السبت 25 يوليو 2009, 3:17 pm

السلام عليكم
وماااااااااااااااااااااله براحتك يا استاذ
وترجع بالسلامة
الرجوع الى أعلى الصفحة اذهب الى الأسفل
dalia
وسام شكر وتقدير من ادارة المنتدى
وسام شكر وتقدير من ادارة المنتدى


مركز التسجيل : القاهرة


مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   السبت 25 يوليو 2009, 4:11 pm

السلام عليكم،

علياء، معلش، انتي جبتي المعلومات دي منين؟ أنا اتصلت بالمركز وكلمت واحدة من المسئولين في شئون الدارسين وقالت لي إن الشهادة بتاعتنا معترف بيها زي أي شهادة جامعية، وفي قرار جمهوري كمان صادر بكدة.

وسألتها كمان لو اقدر اعمل ماجستير، قالت لي تقدري تعملي ماجستير في أي جامعة في مصر، معترف بيها

ممكن بس لو انتي عندك مصدر تاني، مثلاً مدير المركز أو رئيس جامعة القاهرة، هما اللي قالولك الكلام ده، أو لو في قرار رئاسي أو جمهوري تاني سمعتي عنه تقوليلنا برضه

أهه على الأقل يبقى عندنا فرصة نروح ونشوف ليه في أقوال متضاربة
الرجوع الى أعلى الصفحة اذهب الى الأسفل
Hamdy Tawfik
Admin.



مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   السبت 25 يوليو 2009, 4:57 pm

الي توتا

عدم اعتماد بعض الجامعات شهادتنا لتحضير الدراسات العليا

ده مش معنا ه ان الشهادة مش معترف بيها لان الداسات العليا تحكمها لوائح داخلية لكل كلية

لازم تبقي دقيقة في اختيار الالفاظ...امال جهبذ في القانون ازاي Smile

الاعتراف من عدمه بتحكمه شروط اخري اهمها اعتماد وزارة التعليم العالي لها او المجلس الاعلي للجامعات

وحتي معلومة ان جامعة القاهرة مش بتقبل شهادتنا لدراسة الماجستير اشك فيها

وارهنك علي الحكايه دي .. تراهني Smile
الرجوع الى أعلى الصفحة اذهب الى الأسفل
dream
عضو برونزى
عضو برونزى



مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   السبت 25 يوليو 2009, 6:23 pm

السلام عليكم

ههههههههههههههههههه

لسة فاضل لك فى الهدنه يوم يا باشا

وعلى العموم اراهنك ومتاكدة من الفوز

داليا
طالما قلت علياء يبقى الموضوع بجد
بصى يا ستى
انا لم اقل ان الشهادة غير معترف بها الا فى التقدم للماجستير
والكلام ده من كلية الاداب جامعة القاهرة نفسها
وقالوا للناس روحوا العبوا بعيد انتم مجرد برنامج دراسى وليس منهج كلية
وده اغضب الدكتور عنانى جدا
واللى قال الكلام دة اكثر من دكتور وفى المحاضرات وانا سمعته بنفسى واصحابى سالوا
قد يكون الكلام اتغير واذا اردت ان تسالى اسالى فى كلية الاداب مش فى المركز


الرجوع الى أعلى الصفحة اذهب الى الأسفل
Honey Bunny
وسام شكر وتقدير من ادارة المنتدى
وسام شكر وتقدير من ادارة المنتدى


مركز التسجيل : Eyes of the beholder


مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الأحد 26 يوليو 2009, 11:20 pm

السلام عليكم ورحمة الله وبركاته

كل ما يسري علي كليات جامعة القاهرة يسري علي كليات المركز باعتباره جزء لا يتجزأ منها واجمالا مادام المجلس الاعلي للجامعات قد اعتمد هذه الدرجة العلمية...فمن حقك التقدم للدراسات العليا اني شئت...

مش فاهمة ليه احنا بنحب نقلل من قدراتنا...عندك استعداد وحافز تكمل محدش هيمنعك واصلا احنا كطلبة اللي بندي الانطباع ده عننا واقصد بكلامي الناس اللي داخلة تاخد شهادة وبس
مش عارفة هيعلقوها فين بالضبط اذا اتخرجوا لا قدر الله مش فاهمين اي حاجة عن اللي درسوه!

الرجوع الى أعلى الصفحة اذهب الى الأسفل
Honey Bunny
وسام شكر وتقدير من ادارة المنتدى
وسام شكر وتقدير من ادارة المنتدى


مركز التسجيل : Eyes of the beholder


مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الأحد 26 يوليو 2009, 11:29 pm

وبعدين انا اعرف احد اساتذة الجامعة النظامية لنفس القسم الخاص بينا وسألته هل يدرس طلاب الانتظام ما ندرسه؟
اجابني ..بكل تأكيد
وع فكرة هو احد المشاركين في تأليف الكتب الدراسية الخاصة بينا
الموضوع محسوم يا جماعة وكل ما يفرق بينا وبين طلبة الانتظام هو الاجتهااااااااااد ليس الا!
الرجوع الى أعلى الصفحة اذهب الى الأسفل
Honey Bunny
وسام شكر وتقدير من ادارة المنتدى
وسام شكر وتقدير من ادارة المنتدى


مركز التسجيل : Eyes of the beholder


مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الإثنين 27 يوليو 2009, 12:01 am

dream كتب:
السلام عليكم
هل استطيع انا بهذا المستوى ان اتقدم لاى امتحان واقول شغلونى مترجمة !!!!!! وعلشان اكون صريحة اكتر لو جانى اى حد بمستواى ده علشان اشغله فلن اسلمه اكتر من البوفيه وهكون قلقانة كمان !!!!
واخيرا خير يا استاذ احمد لماذا سوف تتغيب عن المنتدى

ايه يا بنتي التشاؤم ده.....بالطريقة دي هسحب منك البوفيه هو كمان :D
الرجوع الى أعلى الصفحة اذهب الى الأسفل
hinar
Extreme Member
Extreme Member



مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الثلاثاء 28 يوليو 2009, 12:32 am


هى مش شهادة وخلاص
مبروك عليكم
الرجوع الى أعلى الصفحة اذهب الى الأسفل
على حلمى
Newbie
Newbie


مركز التسجيل : عام


مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الخميس 30 يوليو 2009, 11:39 pm

يا جماعة انا اخويا خريج تجارة تعليم مفتوح وهوا دلوقتى شغاااااااااال فى مكتب محاسبة كبير اوى فى البلد ومع ناس متخرجة من جامعة القاهرة انتظام وبحب اوضح ليكم نيابة عنه انه مفيش فرق خالص هوا لما راح يقدم سألوه على الشهادة بس
الرجوع الى أعلى الصفحة اذهب الى الأسفل
Michael
Champion Member
Champion Member


مركز التسجيل : القاهرة


مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الجمعة 31 يوليو 2009, 9:26 am

الموضوع مش شهادة ، انا قابلت مترجمين المفروض انهم عملاقة و للأسف مستواهم في اللغة سيء للغاية و نطقهم للانجليزية بشع و معاهم كمان ماجستير. المقابلة الشخصية اهم من الشهادة علشان فيها ممكن تثبت او تثبتي جدارتك و معرفتك. انا اعتقد ان حتي لو معايا دبلوم تجارة و عايز اشتغل مترجم هقدر و هبقي حسن من ناس كتيرة.
الرجوع الى أعلى الصفحة اذهب الى الأسفل
sara
Advanced Member
Advanced Member


مركز التسجيل : الدوحة-قطر


مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الجمعة 31 يوليو 2009, 7:01 pm

فعلا والله احنا عندنا ناس كتير هنا فى قطر شهادتهم الله يعلم بيها وشغالين فى مراكز ماشاء الله ودى حاجة غريبة جدا يامايكل وفعلا لو واحد حب يرتبط ويجهز نفسه هية كلها 3 سنين ويعمل احلى حاجة ودة طبعا شهادة متوسطة مش عاية كمان
الرجوع الى أعلى الصفحة اذهب الى الأسفل
Hamdy Tawfik
Admin.



مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   السبت 01 أغسطس 2009, 12:10 am

علي فكرة معلومة وصلتني حديثا ان فيه زميل خريج التعليم المفتوح جامعة القاهرة

تقدم لعمل دراسات عليا بكلية الاداب جامعة المنصورة

وتمت الموافقه لكنهم طلبوا منه دراسه سنة مواد معادلة

لايدرسها الطالب في الحالة العادية

الخبر وصلني من احدالاصدقاء
الرجوع الى أعلى الصفحة اذهب الى الأسفل
a.h.issmail
Ultimate Member
Ultimate Member


مركز التسجيل : ترم رابع يابني ادمين


مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   السبت 01 أغسطس 2009, 12:14 am

بشرك ربنا بالخييييييييييييييييييييييير يارب


واهو حافز جمييل جدا
الرجوع الى أعلى الصفحة اذهب الى الأسفل
hinar
Extreme Member
Extreme Member



مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   السبت 01 أغسطس 2009, 8:29 am


وتمت الموافقه لكنهم طلبوا منه دراسه سنة مواد معادلة




معنى هذا ان كلام توتا صح
وان هذه الشهادة لا تكفى لعمل دراسات عليا
طالما انه مطلوب سنة دراسبة اخرى لمعادلتها
الرجوع الى أعلى الصفحة اذهب الى الأسفل
Honey Bunny
وسام شكر وتقدير من ادارة المنتدى
وسام شكر وتقدير من ادارة المنتدى


مركز التسجيل : Eyes of the beholder


مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   السبت 01 أغسطس 2009, 12:03 pm

هو خريج ايه اساسا يا حمدي؟

أنا مثلا اذا حبيت اعمل دراسات عليا في ادارة الاعمال "تخصص غير تخصصي" هاخد سنة زيادة ده شيء طبيعي يا جماعة .
الرجوع الى أعلى الصفحة اذهب الى الأسفل
اماني
Advanced Member
Advanced Member


مركز التسجيل : الامارات


مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الأربعاء 07 أكتوبر 2009, 12:09 pm

sweet love + رحاب

انا كمان من الامارات
بس ماشفتكم بلجنة الامتحانات ... اتوقع رحاب انا عرفتك انتي مين ..
بس سويت لاف لا
الرجوع الى أعلى الصفحة اذهب الى الأسفل
ابو مؤمن
Newbie
Newbie



مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الثلاثاء 13 أكتوبر 2009, 9:04 am

يعني بعد كل هذا الجدال و5 صفحات من المشاركات لمن نصل لمعلومة صحيحة هو ان التعليم المفتوح معترف به ونستطيع ان نكمل دراسات عليها ولا لا فى اي جامعة
الرجوع الى أعلى الصفحة اذهب الى الأسفل
Hamdy Tawfik
Admin.



مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الأربعاء 14 أكتوبر 2009, 5:19 am

اهلا اخي ابو مؤمن

كما قلت سابقا الاعتراف شيء والدراسات العاليا شيء اخر

من جهة الاعتراف اؤكد لك ان الشهادة معترف بها من المجلس الاعلي للجامعات

وتماثل اي شهادة جامعية من الكليات النظامية العادية

اما من جهة الدراسات العليا فعلي حسب معلوماتي المتواضعه

انها تحكمها لوئح داخليه خاصه بكل كليه

قد تتطلب شروط معينه ولي صديق اخبرني ان زميل لنا حاصل علي ليسانس من التعليم المفتوح

قد تقدم للدراسات العليا بجامعة المنصورة وانه تم قبول اوراقه

ومن مازالت عنده شكوك في الامر بكل ببساطه يستطيع السؤال في قسم شئون الدراسات العليا

في الجامعة التي يريد الالتحاق بها لكي ياتي لنا بالخبر اليقين

انا شخصيا افكر في خذ دبلومة الترجمه ولكن اذا حصل نصيب سوف تكون ايضا في التعليم المفتوح

لانها تتناسب مع ظروفي وفيها قدر اكبر من المرونه

تحياتي اخي الكريم
الرجوع الى أعلى الصفحة اذهب الى الأسفل
darkbluesky75
Member
Member



مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الأحد 25 أكتوبر 2009, 1:22 pm

The job market demands the skills and the knowledge so the degree from the Open University plus Toifle and ICDL will boost your chances in the job market.Today's economy requires the personal capabilities more than the name of the Universitiy.Besides,Cairo Univirsity speaks for itself as the oldest educational facility in the middle east and it's now up to us to invest more by obtaining more certificates and short courses
الرجوع الى أعلى الصفحة اذهب الى الأسفل
eamy
Regular Member
Regular Member


مركز التسجيل : جدة


مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الإثنين 25 يناير 2010, 8:32 pm

امممم طيب لو سمحتو ممكن سؤال كدا كان شوية شاغلني يعنى احنا طلاب التعليم المفتوح ... و بالأخص قسم الترجمة لما نتخرج هتكون تقريبا الترجمة اللي تعلمناها عاامة جدا يعني لازم عشان نشتغل نتخصص في حاجة مثلا و نعمل تقويه فيها عشان أعتقد انو مثلا السياسة ليها مصطلحات و الطب و هكذا...... يعني الواحد مقدامهوش الا يا انو ياخد دوراات يا أنو يعمل دراسات عليا ولا ايه رأيكو في الموضوع ؟؟؟؟ولا الواحد يختصر و يعمل دبلومة تربوية زي ما قلتو أنا بجد مش عرفة
.....
الرجوع الى أعلى الصفحة اذهب الى الأسفل
dream
عضو برونزى
عضو برونزى



مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الثلاثاء 26 يناير 2010, 6:58 pm


السلام عليكم



انتم لسه بتتكلموا فى الموضوع ده
يا جماعة هتتخرجوا معلوماتكم فى الانجليزى زى معلوماتكم فى الصينى تماما
وعلشان كده اعتمدوا على انفسكم
وحاولوا ان تصقلوا مهارتكم الترجمية
ولهذا كنا بنقول حاولوا يكون المنتدى مكان للتدريب مش بس كيفية الحصول على
المحاضرات والاجابة فى الامتحان
المهارة ثم المهارة ثم المهارة
هى التى تفتح امامكم الابواب
الرجوع الى أعلى الصفحة اذهب الى الأسفل
eamy
Regular Member
Regular Member


مركز التسجيل : جدة


مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الثلاثاء 26 يناير 2010, 7:11 pm

و عليكم السلاااااااااااام و الرحمة ........ يا عيني لو زي الصيني يبقى تمااام جدا .... لكن كويس انو الواحد بيدرب نفسو من الأول .....الحمد لله انو انضميت للمنتدى بس انا مش عارف ازاي اتدرب هناا اممممم بتدرب على شات و الحاجات دي لكن هنا ازاي هيكون التدريب ..؟؟؟ و بانسبة للمهارة فهي على حد علمي متوفرة و الحمد لله لكني لسة تيرم أول يعني بدريييييييييييييييييييي عليا هئ هئ هئ ....
ربنا يسهل .......
الرجوع الى أعلى الصفحة اذهب الى الأسفل
mohammad
Hyper Member
Hyper Member



مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   السبت 06 مارس 2010, 8:24 pm

السلام عليكم

ارجو انقاذي سريعا لاني سجلت اسمي في كلية الاداب
وتقرر عقد المقابلة الشخصية في يوم 20/3/2010 ومش عارف اي حاجة عن المقابلة وخايف جدا لانها كانت امل من 6 سنين فمش معقول لا قدر الله ماتقبلش وعايز منكم مساعدتي باعطائي معلومات عن المقابلة او ان كان في مذكرات او مقرر معين اذاكره عشان اجتاز المقابلة وجزاكم الله خيرا
الرجوع الى أعلى الصفحة اذهب الى الأسفل
Honey Bunny
وسام شكر وتقدير من ادارة المنتدى
وسام شكر وتقدير من ادارة المنتدى


مركز التسجيل : Eyes of the beholder


مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   السبت 06 مارس 2010, 9:29 pm

السلام عليكم اخ محمد

بخصوص سؤالك المقابلة الشخصية سهلة جدا وليس الهدف منها ان تكون مترجما محترفا من الوهلة الاولي ولكن قياس مهارات اللغة لديك وبامكانك الاطلاع علي المكتبة الدراسية للمنتدي وليكن الترم الاول و الثاني ...اكرر لا داعي لرهاب المقابلة الشخصية.
الرجوع الى أعلى الصفحة اذهب الى الأسفل
mohammad
Hyper Member
Hyper Member



مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الأحد 07 مارس 2010, 10:30 am

وعليكم السلام ورحمة الله وبركاته يا اختي (المشرفة)

انا متشكر جدا على اهتمامك والرد السريع بس متأسف ان كنت بتقل عليكي انا دخلت على المكتبة وحملت الكتب ولكن من المعروف ان المقابلة مهما كانت لن تحتوي على كل ما في كتب التيرم الاول او التاني
فلو امكن اعطائي بعض النماذج من اسئلة المقابلة منكي او من اي عضو اجتاز المقابلة او ملف للكلمات الاكثر شيوعا عشان احفظها لحين ميعاد الامتحان واسف مرة اخرى اني تقلت عليكي وانا متشكر جدا مرة اخرى للاهتمام
الرجوع الى أعلى الصفحة اذهب الى الأسفل
Honey Bunny
وسام شكر وتقدير من ادارة المنتدى
وسام شكر وتقدير من ادارة المنتدى


مركز التسجيل : Eyes of the beholder


مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الأحد 07 مارس 2010, 11:20 am

السلام عليكم اخ محمد

لاء مش المقصود بكلامي انك تذاكر الكتب كاملة لكن فيها موضوعات تفيدك زي الكومبريهنشن مثلا

وانت لا تثقل عليا ولا شيئ اخي ...مفيش نماذج يا اخي الموضوع لحظي ويتوقف علي الدكتور اللي بيعقد المقابلة ....اي حاجة ممكن تيجي في باله ,,,لكن اطمئن سهلة جدا.
الرجوع الى أعلى الصفحة اذهب الى الأسفل
mohammad
Hyper Member
Hyper Member



مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الإثنين 08 مارس 2010, 8:27 am

وعليكم السلام ورحمة الله وبركاته يا اختي (المشرفة او يا اخي المشرف ) معذرة ولكني اجد تضارب في البيانات فلا استطيع ان اجزم ان كنت ولد ام بنت ولكن ليس الموضوع موضوعنا فسواء كنت ولد ام بنت فانت او انتي جدير(ة) بالاحترام

المهم انا متشكر على المساعدة ولكن ان اللي قلقان منه ان المقابلة دلوقتي اصبحت اختبار تحريري في يوم واختبار شفوي يوم تاني وانا ملاحظ انك مركزة كلامك وكأنه يوم واحد (علي الدكتور اللي بيعقد المقابلة ....اي حاجة ممكن تيجي في باله ) وممكن يكون السبب ان المقابلة مثلا على ايامك ماكانتش كدة اما النهاردة اصبحت كدة والمشكلة كلها بالنسبالي ان مافيش منهج معين اضمن انه يمتحني فيه مش اكتر اي ان الانجليزي مجالاته واسعة والله اعلم هو عاوزني يكون مستوايا ايه خصوصا اني بعيد عن الدراسة حوالي خمس سنين يعني الجرامر يعتبر كله راح مني فلو امكن ارسال لينك معين او منهج معين ممكن يفيدني او اي شيئ متعلق بالامتحان لاني من الخوف مش قادر اذاكر حصلي تشتت خصوصا ان مافيش منهج والباب مفتوح على مصرعيه
على فكرة انا مؤمن بان اللي عايزه ربنا هايكون بس مينفعش اعتمد على كده وانام لابد من الاخذ بالاسباب وانا كمان صليت استخارة والله المستعان وربنا يستر معلش صدعت دماغك ومتشكر كمان مرة على الاهتمام والسلام عليكم ورحمة الله وبركاته
الرجوع الى أعلى الصفحة اذهب الى الأسفل
mohammad
Hyper Member
Hyper Member



مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الإثنين 08 مارس 2010, 7:16 pm

والله بجد انا مش عارف اشكرك ازاي لان الكلام ماينفعش ممكن تختاري اي طريقة ممكن اساعدك بيها على العموم انا خريج معهد الاتصالات والاليكترونيات لو فيه حاجة واقفة قدامك او اي استشارة وخبير في الاسلاميات او ممكن بتدوري على حاجة على النت ومش لاقياها ممكن اجيبهالك المهم اني لازم اساعدك في اي حاجة او ممكن تقترحي اي طريقة للمساعدة وانا والله متشكر جدا جدا وحضرتك فعلا جديرة بالاحترام لانك ساعتي واحد ما تعرفيهوش وانا على فكرة من سكان القاهرة مش من الاقاليم وجزاك الله خيرا وماتنسيش لازم اقدملك اي مساعدة وما ينفعش حضرتك تقولي متشكرة

وجزاكي الله خيرا اختي الفاضلة وطلب اخير الدعاء لي بالتوفيق ان شاء الله وليكي الحلاوة مش عارف هاتوصل ازاي بس ليكي الحلاوة يعني احتمال افرق حاجة ساقعة على المنتدى هههههه
الرجوع الى أعلى الصفحة اذهب الى الأسفل
Honey Bunny
وسام شكر وتقدير من ادارة المنتدى
وسام شكر وتقدير من ادارة المنتدى


مركز التسجيل : Eyes of the beholder


مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الإثنين 08 مارس 2010, 7:25 pm

موفق باذن الله أستاذ محمد...اشكر الله متشكرنيش أنا لانه "سبحانه وتعالي" اللي مهيأني لده

ميرسي علي كلامك الرقيق مرة تانية وان شاء الله معانا في الكلية ........اللهم آ مين.


الرجوع الى أعلى الصفحة اذهب الى الأسفل
Hamdy Tawfik
Admin.



مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الإثنين 08 مارس 2010, 10:13 pm




ممنوع طرح استفسارات خارج اطار الموضوع



قوانين المنتدي




عدل سابقا من قبل HAMDY في الثلاثاء 04 مايو 2010, 5:59 pm عدل 1 مرات
الرجوع الى أعلى الصفحة اذهب الى الأسفل
moh_moh
Newbie
Newbie



مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الخميس 22 أبريل 2010, 11:06 pm

السلام عليكم جميعا
ليه ياجماعه التعليم المفتوح بقى كل واحد يقول مش معترف بيه
وبالاخص كلية الحقوق ( ليسانس الدراسات القانونية )
طيب ليه ما قالوش كده على الجامعات الخاصة مثل (؟ )
والله الواحد زهق
الرجوع الى أعلى الصفحة اذهب الى الأسفل
هاني اسلام
Newbie
Newbie



مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الخميس 08 يوليو 2010, 6:04 pm

السلام عليكم هاني اخوكم مصري مقيم في قطر ومعايا شهادة حقوق وهنا ملهاش لازمة زي مصر بصوا الشهادات معترف بيها هنا لان زميلي خريج تجارة مفتوحة واشتغل بيها هنا في شركة حكومية كبيرة وانشا الله اسعوا نا ياشباب بطالب
بان يكون الدراسة العملية مفتوحة لينا والاخوة الي بيقولول ان الدراسة مفتوحة او عن بعد غير مفيده اققله من الاخر اي دراسه في الدنيا وخصوصا في مصر من اول هندسة لحد معهد صرف صحي ملهاش اي علاق بالواقع الفعلي والعملي للشغل انا هنا شغال في قطر وليا زميلي مهندسين ولما عرضت عليهم موضوع الدراسة قلولي انك في هندسة بتلاقي تخصصات ومواد ملهاش اي علاق بالواقع وبسوق العمل زي دراسة النحو في مصر والو غرتمات كده بعد متخلص الامتحان مبتستفدش بيها نهائي
قلتلهم طيب
لو عملو هندسة مفتوحة والمحضرات علي النت والدراسة عملي جمعة وسبت نقدر نلم قلولي انهم كانو بيزكرو اخر ششهر ونصهم مكنش بيحضر الا في اخر شهر المحضرات يعني بختصار انا عايز ننظم جروب نطالب بان صوتنا يوصل للمسئولين بالمطلبة بفتح كلية هندسة علوم وبترول للتعليم المفتوح اما صيدلة وطب فانا لسه بدرس الفكر وهعمل استطلاع راي للشباب والاطباء والصيدلة وشكرا ليكو علي المنتدي الرهيب ده
الرجوع الى أعلى الصفحة اذهب الى الأسفل
mohammad
Hyper Member
Hyper Member



مُساهمةموضوع: رد: هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟   الخميس 08 يوليو 2010, 9:43 pm

السلام عليكم
اولا اهلا بيك في المنتدى

ثانياً انا اضم صوتي لصوتك بخصوص موضوع الهندسة بس ياريت تقولي مين اللي هايسمع ؟؟ وهاننظم الجروب ده فين؟؟
الرجوع الى أعلى الصفحة اذهب الى الأسفل
 
هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 4انتقل الى الصفحة : الصفحة السابقة  1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
جامعة القاهرة للتعليم المفتوح - منتديات المنار التعليمية :: كليات جامعة القاهرة للتعليم المفتوح :: التسجيل والمصروفات وجميع الإستفسارات الخاصه بالتعليم المفتوح-
انتقل الى: