جامعة القاهرة للتعليم المفتوح - منتديات المنار التعليمية

مواقع صديقة
http://extreme-english-learn.blogspot.com.eg مدونة اللغة الانجليزية

جامعة القاهرة للتعليم المفتوح - منتديات المنار التعليمية

منتديات طلاب التعليم المفتوح جامعة القاهرة .. تعليمية - ثقافية - اجتماعية
 
الرئيسيةالبوابةس .و .جبحـثالتسجيلدخول

شاطر | 
 

 كارثة التعليم المفتوح والحقيقة الزائفة للدراسات العليا

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3  الصفحة التالية
كاتب الموضوعرسالة
عمرو الدبيكي
Regular Member
Regular Member


مركز التسجيل : القاهرة


مُساهمةموضوع: رد: كارثة التعليم المفتوح والحقيقة الزائفة للدراسات العليا   الثلاثاء 25 مارس 2014, 1:51 pm

ان الي اسمعة ان فية ناس من تجارة كملت دراسات عليا فعلا عشان كده عاوز اتامد علي الكلام ده للجميع ولا لاء
الرجوع الى أعلى الصفحة اذهب الى الأسفل
abo nooh
عضو برونزى
عضو برونزى


مركز التسجيل : الكويت


مُساهمةموضوع: رد: كارثة التعليم المفتوح والحقيقة الزائفة للدراسات العليا   الثلاثاء 25 مارس 2014, 10:23 pm

لا توقف طموحك  وأمض في تحقيقة أخي
الرجوع الى أعلى الصفحة اذهب الى الأسفل
Ana Rema
Newbie
Newbie


مركز التسجيل : القاهرة


مُساهمةموضوع: رد: كارثة التعليم المفتوح والحقيقة الزائفة للدراسات العليا   الإثنين 14 أبريل 2014, 9:18 am

فعلاً موضوع جامعة حلوان ده صحيح للأسف لأن السنة دي كان فيه طالب مقبول في تمهيدي الماجستير وهو خريج تعليم مفتوح أصلاً وكانوا فعلاً عايزين يرجعوله الملف بتاعه لأنهم مش هيقبلوا طلاب تعليم مفتوح بعد كده.. لولا إن دكاترة القسم رفضوا الوضع ده لأن التيرم الأول تقريبًا كان خلص ولولا إن الطالب ده رفض وهددهم برفع قضية عليهم كانوا رجعوا له الملف بتاعه والسنة راحت عليه!!
وإللي أنا مستغربة له إن كان في اتجاه مؤخرًا لإزالة لوجو التعليم المفتوح من الشهادة عشان ميبقاش فيه تمييز ضد الطلاب بعد كده يعني المفروض إن فيه خطوات للإصلاح.. بس في نفس الوقت فيه مسؤولين بياخدوا قرارات غير مسئولة وبشكل مفاجئ زي ما حصل في جامعة حلوان كده ومفيش عندهم أي اعتبار لمصلحة الطالب!


عدل سابقا من قبل Ana Rema في الثلاثاء 15 أبريل 2014, 12:27 am عدل 1 مرات
الرجوع الى أعلى الصفحة اذهب الى الأسفل
عصام شهاب
Newbie
Newbie


مركز التسجيل : القاهرة و الامتحان فى الاسكندرية


مُساهمةموضوع: رد: كارثة التعليم المفتوح والحقيقة الزائفة للدراسات العليا   الإثنين 14 أبريل 2014, 7:12 pm

السلام عليكم ورحمة الله  انا معكم باذن الله ولكن كيف التواصل
الرجوع الى أعلى الصفحة اذهب الى الأسفل
عمرو الدبيكي
Regular Member
Regular Member


مركز التسجيل : القاهرة


مُساهمةموضوع: رد: كارثة التعليم المفتوح والحقيقة الزائفة للدراسات العليا   الإثنين 14 أبريل 2014, 10:57 pm

انا مستعد للمرحلة التالية عاوز اقدم ورقي في الدراسات العليا هبدء الخطوة الجاية من فين ؟؟؟؟ انا كنت ناوي انزل جامعة القاهرة بس الاحداث الحالية غير مشجعة
الرجوع الى أعلى الصفحة اذهب الى الأسفل
abo nooh
عضو برونزى
عضو برونزى


مركز التسجيل : الكويت


مُساهمةموضوع: رد: كارثة التعليم المفتوح والحقيقة الزائفة للدراسات العليا   الثلاثاء 15 أبريل 2014, 2:05 am

التكميل  للدراسات العليا   ليس بالأمر المستحيل  على  طالب تعليم مفتوح  ولكن  المتعلم نظامي مقدم عليه    ولكن ممكن يكمل أيضا  ماجستير بالتعليم المفتوح  أيضا   ولكن لازم يعرف الدول  اللي تتيح له ذلك  


ولكل شيء طرقه وأسبابه  بإذن الله
الرجوع الى أعلى الصفحة اذهب الى الأسفل
مؤمنه
Newbie
Newbie



مُساهمةموضوع: رد: كارثة التعليم المفتوح والحقيقة الزائفة للدراسات العليا   الثلاثاء 15 أبريل 2014, 6:18 am

كارثه بكل المقايس ومش شايفه اى سبب للحرمان غير تعجرف وتكبر الجامعات وكأن العلم حكر عليهم حسبى الله ونعم الوكيل
الرجوع الى أعلى الصفحة اذهب الى الأسفل
Ana Rema
Newbie
Newbie


مركز التسجيل : القاهرة


مُساهمةموضوع: رد: كارثة التعليم المفتوح والحقيقة الزائفة للدراسات العليا   الثلاثاء 15 أبريل 2014, 9:29 am

abo nooh كتب:
التكميل  للدراسات العليا   ليس بالأمر المستحيل  على  طالب تعليم مفتوح  ولكن  المتعلم نظامي مقدم عليه    ولكن ممكن يكمل أيضا  ماجستير بالتعليم المفتوح  أيضا   ولكن لازم يعرف الدول  اللي تتيح له ذلك  


ولكل شيء طرقه وأسبابه  بإذن الله
بس مفيش لوايح تمنع طلاب التعليم المفتوح من التسجيل في برامج الدراسات العليا في الجامعات.. ولو اتصلت سألت في مركز التعليم المفتوح هيقولولك من حقك تكمل ماجستير ودكتوراه بعد التخرج.. يعني الموضوع لا يخرج عن كونه تعنت من بعض أقسام الكليات.. خصوصًا إن إللي أنا أعرفه إن كل الكليات التانية الطالب بيسجل فيها ماجستير ودكتوراه عادي يعني المشكلة تحديدًا مش موجودة غير في أقسام اللغات في آداب ودار علوم. وحجتهم في آداب إن مفيهاش ماجستير تخصص ترجمة رغم إنهم وعدوا كتير بأنهم هيخلوا دبلومة الترجمة معادلة لتمهيدي ماجستير عشان الطالب يقدر يكمل بعدها لكن للأسف مفيش وعود بتتنفذ. أما كلية ألسن وكلية لغات وترجمة جامعة الأزهر إللي فيهم ماجستير ترجمة، فمش بيقبلوا طلاب التعليم المفتوح وبيقولوها عادي كده لأي طالب بيروح يقدم!
المفروض زي ما الكلية بتاخد من الطلبة رسوم تضمن لهم حقوقهم وإن مفيش أي تمييز يُمارس عليهم.. وبعدين لو هم مش عاجبهم مستوى طلاب التعليم المفتوح يبقى العيب الأساسي من عندهم.. أنا عارفة إن فيه بعض الطلاب إللي مستواهم ضعيف.. لكن قبلوهم ليه من الأول وسمحوا لهم يعدوا امتحان القبول ويجتازوا 4 سنوات دراسية وياخدوا الشهادة ليه.. عشان الفلوس إللي بيدفعوها؟
للأسف الجامعات معتمدة بسكل أساسي على الفلوس إللي بتجيلها من التعليم المفتوح بس ده وضع مش منصف بالمرة والمفروض الفيصل في القبول مش إن الطالب خريج نظامي ولا تعليم مفتوح ولكن الفيصل هو اجتيازه لاختبار القبول في برنامج الماجستير الخاص بالكلية إللي متقدم ليها!
الرجوع الى أعلى الصفحة اذهب الى الأسفل
Ana Rema
Newbie
Newbie


مركز التسجيل : القاهرة


مُساهمةموضوع: رد: كارثة التعليم المفتوح والحقيقة الزائفة للدراسات العليا   الثلاثاء 15 أبريل 2014, 9:30 am

عمرو الدبيكي كتب:
ان الي اسمعة ان فية ناس من تجارة كملت دراسات عليا فعلا عشان كده عاوز اتامد علي الكلام ده للجميع ولا لاء
فعلاً إللي أعرفه إن المشكلة موجودة في آداب أقسام اللغات ودار علوم بس باقي الكليات عادي.
الرجوع الى أعلى الصفحة اذهب الى الأسفل
مؤمنه
Newbie
Newbie



مُساهمةموضوع: رد: كارثة التعليم المفتوح والحقيقة الزائفة للدراسات العليا   الثلاثاء 15 أبريل 2014, 11:27 am

انا عايزه افهم حاجه دلؤقتى مثلا دبلومة الترجمه بالجامعه الامريكية من شروط الالتحاق بيها حصول المتقدم على البكالوريوس طيب شهادة القسم بالجامعه المفتوحه معترف بيها ولا برضه الجامعه الامريكية هترفضها زى م الجامعات المصريه رفضاها  ودى مجرد دبلومه بقا  قليط
الرجوع الى أعلى الصفحة اذهب الى الأسفل
Ana Rema
Newbie
Newbie


مركز التسجيل : القاهرة


مُساهمةموضوع: رد: كارثة التعليم المفتوح والحقيقة الزائفة للدراسات العليا   الثلاثاء 15 أبريل 2014, 3:37 pm

مؤمنه كتب:
انا عايزه افهم حاجه دلؤقتى مثلا دبلومة الترجمه بالجامعه الامريكية من شروط الالتحاق بيها حصول المتقدم على البكالوريوس طيب شهادة القسم بالجامعه المفتوحه معترف بيها ولا برضه الجامعه الامريكية هترفضها زى م الجامعات المصريه رفضاها  ودى مجرد دبلومه بقا  قليط
لأ أعتقد الجامعات الأجنبية والخاصة مفيهاش المشكلة دي.. هي بس المشكلة إنها مش مناسبة لكل الناس من ناحية تكاليف الدراسة. بصي هي جامعة القاهرة بتقبل طلبة التعليم المفتوح عادي في الدبلومة وفي سنة قبلتهم في التمهيدي وزمايلي قدموا وقتها وواحدة بس إللي اتقبلت وده تقريبًا كان سنة 2011/2012.. لكن تقريبًا رجعت تاني متقبلهمش في التمهيدي وده بسبب استياء بعض الدكاترة جوة أقسام اللغة وإللي في نفس الوقت شاغلين مناصب إدارية فبيبقى ليهم سلطة طبعًا على شئون الطلبة وإللي بيقولوه بيتنفذ حتى لو كان يتعارض مع اللوايح!
جامعة حلوان بقى على مدار السنين إللي فاتت كانت بتقبل طلبة التعليم المفتوح عادي بس طبعًا كده كده عدد المقبولين هناك لازم يكون 20 بالكتير واختبارات القبول هناك صعبة فعشان كده كان طالب أو اتنين هم إللي بيتقبلوا من كل طلاب التعليم المفتوح إللي بيكونوا مقدمين. بس السنة دي الطالب الوحيد إللي اتقبل وهو مستواه ممتاز أصلاً كانوا عايزين يرجعوله ورقه بس لما هددهم برفع قضية والدكاترة وقفوا في صفه سابوه يكمل.. لكن فعلاً من السنة الجاية مش هيقبلوا حد تاني من طلبة التعليم المفتوح!! خدوا القرار مع نفسهم كده!!
وجامعة عين شمس برضه كلية آداب مفيهاش ماجستير ترجمة وألسن مش بتقبل طبعًا تعليم مفتوح ولا هي ولا الأزهر لأني أعرف ناس قدموا هناك ومرضيوش يقبلوهم.
وكل إللي أعرفه إن فيه جامعات في الأقاليم حاليًا بتقبل طلبة التعليم المفتوح في ماجستير الترجمة.
بس الموضوع ملوش علاقة بكلمة "تعليم مفتوح" بس.. الموضوع ليه علاقة بتخصص ترجمة إللي مش موجود كتخصص ماجستير في معظم كليات آداب وكلية آداب الوحيدة في نطاق القاهرة إللي فيها ماجستير لغة وترجمة هي حلوان إللي خدت القرار السنة دي بعدم قبول المزيد من طلاب التعليم المفتوح!!
الرجوع الى أعلى الصفحة اذهب الى الأسفل
مؤمنه
Newbie
Newbie



مُساهمةموضوع: رد: كارثة التعليم المفتوح والحقيقة الزائفة للدراسات العليا   الخميس 17 أبريل 2014, 11:20 pm

Ana Rema
شكرا جزيلا لردك واهتمامك  flower   وبما ان الدراسات العليا اصبح بابها مغلق الا الدبلومات المتاحه من المركز واللى اعتقد انها لا تشبع طموح من اراد فعلا استكمال دراساته العليا طيب ايه اللى متاح لينا هل فعلا كل الطرق مغلقة وعلينا الاكتفاء فقط بالليسانس وانتهى ؟؟؟؟؟  Emo9
الرجوع الى أعلى الصفحة اذهب الى الأسفل
Ana Rema
Newbie
Newbie


مركز التسجيل : القاهرة


مُساهمةموضوع: رد: كارثة التعليم المفتوح والحقيقة الزائفة للدراسات العليا   الأحد 04 مايو 2014, 6:09 am

مؤمنه كتب:
Ana Rema
شكرا جزيلا لردك واهتمامك  flower   وبما ان الدراسات العليا اصبح بابها مغلق الا الدبلومات المتاحه من المركز واللى اعتقد انها لا تشبع طموح من اراد فعلا استكمال دراساته العليا طيب ايه اللى متاح لينا هل فعلا كل الطرق مغلقة وعلينا الاكتفاء فقط بالليسانس وانتهى ؟؟؟؟؟  Emo9
العفو يا حبيبتي. للأسف حاليًا المتاح دبلومات الترجمة فقط وفيه جامعات في الأقاليم بتقبل طلاب التعليم المفتوح زيهم زي طلاب النظامي في برنامج ماجستير الترجمة لكن المشكلة إن مش كل الناس هتقدر تسافر تدرس في الأقاليم! الموضوع محتاج وقفة جامدة لأن كده مركز التعليم المفتوح غرر بالطلبة وفهمهم إنهم هيتقبلوا في أي كلية وإنهم من حقهم يدرسوا في برامج الدراسات العليا وطبعًا كل ده محصلش وفيه تمييز جامد محتاج مننا وقفة عشان ينتهي!
الرجوع الى أعلى الصفحة اذهب الى الأسفل
محمود حسن
Newbie
Newbie


مركز التسجيل : Egypt


مُساهمةموضوع: رد: كارثة التعليم المفتوح والحقيقة الزائفة للدراسات العليا   الأربعاء 14 مايو 2014, 5:58 pm

تحية طيبة لجميع الزملاء بالمنتدي  _ ( انا من كتب هذا الموضوع ) وبعد صراع طويل مع الناس دي هو :
خلاصة القول بعد البحث والمشاورات والمشادات احب اطمنكم ان التعليم المفتوح اتعمل انه يبقي مصدر دخل للجامعات وبس ومن قمة فساد دكاترة الجامعات اننا لنا حق استكمال دراسات عليا حتي ولو جايب مقبول بنظام الساعات المعتمدة الا ان الموضوع متوقف علي مزاج سيادتهم ومش هتعرف تاخد منهم حق ولا باطل الا اذا دفعت لهم فلوس او حد من اهلك دكتور في الجامعه بكدا تقدر تدخل
انا قعدت مع رؤساء نيابة ادارية وقالوا الدكارة متحصنين من المسائلة امام النيابة الادارية والا كنت استدعيتهم واستجوبتهم انما مش محصنين من النيابة العامة
المهم
عشان ناخد حقوقنا من الفاسدين دول ومن الدولة الا عملت التعليم ده ومش معترفين بيه فالحل انه لازم نجتمع باكبر عدد ممكن ونعمل لهم وقفة ولازم الطلبة الا لسه في مرحلة الدراسة ينضموا لينا عشان نستفاد بالعدد وعشان لما يتخرجوا يلاقوا الطريق مفتوح قدامهم وده اخر حل غير كدا ؟ يبقي رغي وكتر كلام بدون داعي وعايزكم تشاورا نفسكم وكل واحد يقول للعدد الا يقدر عليه وعرفوني هيبقي عددنا كم وانا اولكم وعلي راسكم في المطالبة بحقوقنا لان مفيش حد من حقه يحجم حد او يحدد له يتعمل لحد فين ويكمل لحد فين ويتركوا باب العلم متاح للجميع وكفائة الشخص نفسه هيا الا هتحدد هيتوقف عند اي درجة علمية
وفيه ظروف مادية وغيرها منعت ناس كتير من التعليم الا انهم لو اتحصلوا علي الفرصة دي اعتقد انهم هيبقوا شيء عظيم اتمني تكون الرسالة وصلت وفي انتظار الرد للفعل الحقيقي مش للكلام وبس
الرجوع الى أعلى الصفحة اذهب الى الأسفل
Hana09
Advanced Member
Advanced Member



مُساهمةموضوع: رد: كارثة التعليم المفتوح والحقيقة الزائفة للدراسات العليا   السبت 17 مايو 2014, 9:30 pm

مفيش غير انك تعمل جروب علي الفيس عشان يتجمع اكبر عدد ممكن ياريت تبدأ بالمبادرة واحنا معاك ان شاء الله
الرجوع الى أعلى الصفحة اذهب الى الأسفل
Hala.seery
Member
Member


مركز التسجيل : جامعة القاهرة


مُساهمةموضوع: رد: كارثة التعليم المفتوح والحقيقة الزائفة للدراسات العليا   الثلاثاء 20 مايو 2014, 3:00 pm

ياريت لو سمحتم لو حد عنده لينك جروب ع الفيس خاص بقسم الترجمة تعليم مفتوح يرسل لي اللينك ع الخاص 


وتمنياتي للجميع بالتوفيق .
الرجوع الى أعلى الصفحة اذهب الى الأسفل
Honey Bunny
وسام شكر وتقدير من ادارة المنتدى
وسام شكر وتقدير من ادارة المنتدى


مركز التسجيل : Eyes of the beholder


مُساهمةموضوع: رد: كارثة التعليم المفتوح والحقيقة الزائفة للدراسات العليا   الخميس 12 يونيو 2014, 2:48 am

السلام عليكم
الأخوة الأفاضل لا جدوي من الهتاف والمباحثات والمشاورات مع المسؤلين في ظل قانون استقلال الجامعات اللي هيحصل انك هتقابل مسؤلين كتير كل واحد فيهم له رأي ولما تبتدي توصل لنتيجة هيتغير المسؤل ونبتدي تاني من تحت الصفر الحل هو مقاضاة جامعة القاهرة ممثلة في مركز التعليم المفتوح لانهم غرروا بالطلاب والخريجين ووعدوا بما لن يفعلوا.... لما تكون جايب جيد جدا في ترجمة ويكون من حقك تكمل ماستر وفق القانون ويطلع قرار من وزير التعليم بذلك وتمتنع رئيسة قسم من تنفيذه بحجة عدم كفاية المقررات تبئا مهزلة لانه المجلس الاعلي للجامعات بيقول انها شهادة معتمدة ومعادلة في حد ذاتها! بالنسبالي وبعد اللي شوفته بنفسي من طريقة التدريس للنظامي في جامعة المنصورة لطلبة ماستر مش لازمني اكمل مع الاشكال دي مفيش شرح ومفيش اختيار مواد زي ما اللايحة بتقول حتي مادة البحث ما بتتشرحش.... الخلاصة بدل مقابلات المسؤلين اللي هيخدروكم بكلام خلوها قضائية افضل.
الرجوع الى أعلى الصفحة اذهب الى الأسفل
Honey Bunny
وسام شكر وتقدير من ادارة المنتدى
وسام شكر وتقدير من ادارة المنتدى


مركز التسجيل : Eyes of the beholder


مُساهمةموضوع: رد: كارثة التعليم المفتوح والحقيقة الزائفة للدراسات العليا   الخميس 12 يونيو 2014, 2:53 am

نقطة مهمة:
الخريجين من حملة المؤهلات المتوسطة مش هيكملوا دراسات عليا وفقا لكلام المسؤلين ودي حاجة تتنافي مع الكلام اللي بيتقال في بداية التقديم!
الرجوع الى أعلى الصفحة اذهب الى الأسفل
heba hamed
Newbie
Newbie



مُساهمةموضوع: رد: كارثة التعليم المفتوح والحقيقة الزائفة للدراسات العليا   الأربعاء 20 أغسطس 2014, 12:50 am

انا خريجة اداب ترجمة لغة انجليزية دفعة 2012 وللاسف عندما سألت عن الدراسات العليا في جامعة القاهرة اخبروني بعدم قبول خريجي التعليم المفتوح بالرغم اني خريجة تربية وممكن اعمل دراسات عليا بالبكالوريويس ولكن اتمنى عمل دراسات عليا في الترجمة،انا مع الاخوة الافاضل بخصوص رفع اصواتنا للحصول على حقوقنا والله الموفق
الرجوع الى أعلى الصفحة اذهب الى الأسفل
محمود حسن
Newbie
Newbie


مركز التسجيل : Egypt


مُساهمةموضوع: رد: كارثة التعليم المفتوح والحقيقة الزائفة للدراسات العليا   الجمعة 22 أغسطس 2014, 2:56 pm

والله ياجماعه الحل سهل جدا بالنسبة لي بس كل الا محتاجينه هو عدد ونظرا لان المنتدي بيحذف الاميلات الخاصة فياريت كل واحد متضامن في الموضوع يبعت لي رسالة علي الرسائل الخاصة في المنتدي يكتب فيها اسمه واميله وتليفونه او طريقة التواصل معاه هتبقي ازاي ولو وجدت عدد معقول هقوم باول خطوة حقيقية / انما اي كلام غير كدا يبقي اسمه مضيعه وقت
وشكرا لكم
الرجوع الى أعلى الصفحة اذهب الى الأسفل
abo nooh
عضو برونزى
عضو برونزى


مركز التسجيل : الكويت


مُساهمةموضوع: رد: كارثة التعليم المفتوح والحقيقة الزائفة للدراسات العليا   السبت 23 أغسطس 2014, 9:36 am

أين وصل الأصدقاء  في المنتدى لهذا الموضوع
الرجوع الى أعلى الصفحة اذهب الى الأسفل
Nasser
Newbie
Newbie



مُساهمةموضوع: هام وعاجل   السبت 18 أكتوبر 2014, 11:40 am

الأخوة الأعزاء لقد اتصل بى بعض الزملاء المهتمون بالموضوع (تسجيل الماجستير لخريجي التعليم المفتوح) ومستعدون لتوصيل الموضوع للإعلام ولكن كما فال الأستاذ محمود نريد معرفة العدد الموافق على هذا الموضوع وإيجاد وسيلة للتواصل وقد أنشأة مجموعة بامس انجلش جراديوايت englishgraduate للتجمع عليها أو البح
الرجوع الى أعلى الصفحة اذهب الى الأسفل
Nasser
Newbie
Newbie



مُساهمةموضوع: رد: كارثة التعليم المفتوح والحقيقة الزائفة للدراسات العليا   السبت 18 أكتوبر 2014, 11:41 am

نداء لإلى الأستاذ محمود حسن والأخوة الأعزاء لقد اتصل بى بعض الزملاء المهتمون بالموضوع (تسجيل الماجستير لخريجي التعليم المفتوح) ومستعدون لتوصيل الموضوع للإعلام ولكن كما فال الأستاذ محمود نريد معرفة العدد الموافق على هذا الموضوع وإيجاد وسيلة للتواصل وقد أنشأة مجموعة بامس انجلش جراديوايت englishgraduate للتجمع عليها.
الرجوع الى أعلى الصفحة اذهب الى الأسفل
mona s ag
Newbie
Newbie


مركز التسجيل : جامعة القاهرة


مُساهمةموضوع: رد: كارثة التعليم المفتوح والحقيقة الزائفة للدراسات العليا   السبت 18 أكتوبر 2014, 8:03 pm

انا عندي تعليق بسيط بس انا لما كنت بسال عن التقديم لتعليم مفتوح وهل هو زي الخريج العادي ولا
سالت دكتور يجامعة القاهرة وهو حتي بيدرس لتعليم مفتوح قالي انهم ليهم نفس حقوق الخريج النظامي وحتي دلوقتي ليهم حق التقديم للدراسات العليا وكدا
الكلام دا كان من اقل من شهر
فهل الامور اتغيرت ولا مستمرة زي ما تفضل الاستاذ محمود حسن -كاتب الموضوع - وشرح ببداية الموضوع
؟؟؟؟
الرجوع الى أعلى الصفحة اذهب الى الأسفل
abo nooh
عضو برونزى
عضو برونزى


مركز التسجيل : الكويت


مُساهمةموضوع: رد: كارثة التعليم المفتوح والحقيقة الزائفة للدراسات العليا   الأحد 19 أكتوبر 2014, 2:54 pm

أنا موافق أني أكون ضمن المجموعه اللي تطالب بالإستكمال للدراسات العليا  سواء في الكويت أو في مصر   الشقيق

أبونوح من الكويت     وقد إتصل بي بعض الأصحاب أيضا  من مصر  وقلت لهم ليس عندي مانع  

والأخ محمود حسن   لا نعرف أين هو ممكن يكمل أي واحد الموضوع  يمكن هو مسافر  وإلا في إجازه  و ربما أن البعض ينتظر البدء في بدايه الدراسه حيث تنشط المشاركات  

ولا يضيع حق ورائه مطالب  فإلى الأمام
الرجوع الى أعلى الصفحة اذهب الى الأسفل
abo nooh
عضو برونزى
عضو برونزى


مركز التسجيل : الكويت


مُساهمةموضوع: رد: كارثة التعليم المفتوح والحقيقة الزائفة للدراسات العليا   الأحد 19 أكتوبر 2014, 2:56 pm

زيرو مية  ثلاثه وأربعين سته وثمانين مية
الرجوع الى أعلى الصفحة اذهب الى الأسفل
hanan semeda
Newbie
Newbie



مُساهمةموضوع: الأستاذ محمود حسن   الأربعاء 22 أكتوبر 2014, 4:56 am

مش حضرتك بس اللى نفسه يكمل دراسات عليا في ناس تانية كتير ـ حضرتك أشارت في رسائل ليك قبل كدة انك محتاج عدد و ممكن تعمل حاجات كتير ـ إحنا أصلا مش عارفين نوصلك ـ المنتدى لا يسمح بكتابة الاميل ـ ممكن تبعت اسمك على الفيس ايه أو رقم تليفونك علشان يسهل التواصل معاك و بالنسبة لى دة اسمى على الفيس
hanan semeda
الرجوع الى أعلى الصفحة اذهب الى الأسفل
محمود حسن
Newbie
Newbie


مركز التسجيل : Egypt


مُساهمةموضوع: نداااااااااااء عاجل من محمود الي من يهمه الامر من الزملاء الخريجين والطلبه   السبت 22 نوفمبر 2014, 7:43 pm

الاخوة الزملاء / بعد التحية
ده رقمي للتواصل (زيرو ميه ثلاثه وعشرين تسعه وتسعون مائتين سبعه واربعين ) وممكن تبعت رسالة فيها اسمك وايميلك ومحافظتك والا عنده ( واتساب  ) علي تليفونه هيبقي التواصل اسهل علي الاقل لحين ما نعمل لنا قاعده بيانات تخصنا ونوزع الادوار علي كل فرد عشان نعرف ناخد حقنا وبكررها للمرة المليون انا محتاج عدددددددد / احنا كنا اتنين بس الا وقفنا في وش الناس دي وواجهناهم والنتيجة اننا كنا ضعاف اما لو عايزين نتيجة سريعة وفعالة فانا عارف ايه الا هيتم بس مش هقول الا هيحصل قبل ما اعرف عددنا كم وبالاسم والتليفون لانه ماينفعش فريق يتعب والباقي نايم في الخط وعايز كل شيء علي الجاهز
الرجوع الى أعلى الصفحة اذهب الى الأسفل
sara199
Advanced Member
Advanced Member


مركز التسجيل : السعودية


مُساهمةموضوع: رد: كارثة التعليم المفتوح والحقيقة الزائفة للدراسات العليا   الثلاثاء 25 نوفمبر 2014, 1:50 pm

السلام عليكم ورحمة الله وبركاته
مش عارفة لو حتشوفو كلامي لان الموضوع انكتب من كم شهر بس عايزة اقول حاجة


انا طالبة اعلام بس مش فمصر وبختبر من السعودية واول ماسجلت في المركز سألتهم عن موضوع الماجسير والدكتوراه وكان ردهم اننا نقدر نكمل وحتى لما جا دكتور ايام الامتحانات سألتو عن الماجستير وقال تقدري تكملي ماجستير اعلام في جامعة القاهره


وسمعت ان في بنات هنا تواصلو مع جامعات في بريطانيا وقالولهم تقدرو تكملو ماجستير بشهادة اعلام تعليم مفتوح عادي!


عشان كدة انا مستغربة ليه نص بيقول نقدر نكمل ونص بيقول لا!!
الرجوع الى أعلى الصفحة اذهب الى الأسفل
محمود حسن
Newbie
Newbie


مركز التسجيل : Egypt


مُساهمةموضوع: قالوا لفرعون ايه فرعنك ؟ قالهم ما لقيتش الا يقفلي   الثلاثاء 25 نوفمبر 2014, 3:43 pm

ردا علي الزميلة سارة
قانونا لينا كل حقوق التعليم مثل النظامي تماما والدراسات العليا وكل شيء // ولكن علي ارض الواقع الامر بمزاج عصابات الجامعات لانها ملعبهم الشخصي وكلامهم هو الا بيتفرض حتي وان كان مخالف لسبب انه مفيش رقابه عليهم ويقولك بكل بجاحه اعمل الا انت عايزة وانا هستخدم حقي كعضو هيئة تدريس ههههههههههههههههههههههههههههههه والامر المحزن فعلالالالالالالالالا اني ناديت كتير بالتكاتف لكل طلبة وخريجي التعليم المفتوح عشان ناخد حقنا ومن سخرية الواقع اننا في منتدي كله تعليم مفتوح بجميع تخصصات التعليم ومفيش استجابة ماشاء الله الا عدد بسيط ومفيش اكتر من تنابلة السلطان وماينطبقش عليهم غير ايه ( اذهب انت ربك فقاتلا ) .
فقمنا بانشاء صفحة علي الفيس بوك مخصصة لهذا الامر فقط وسيتم عرض الرابط الخاص بها خلال ساعات ان شاء الله
الرجوع الى أعلى الصفحة اذهب الى الأسفل
sara199
Advanced Member
Advanced Member


مركز التسجيل : السعودية


مُساهمةموضوع: رد: كارثة التعليم المفتوح والحقيقة الزائفة للدراسات العليا   الثلاثاء 25 نوفمبر 2014, 4:20 pm

انا معاكم في اي موضوع لصالح تطوير دراستنا ومستقبلنا 
انا مقيمة في السعودية يعني مش عارفة قد ايه هقدر اساعدكم بس مستعدة اعمل اللي اقدر عليه المهم اننا ناخد حقوقنا ويكون مستقبلنا افضل
الرجوع الى أعلى الصفحة اذهب الى الأسفل
sara199
Advanced Member
Advanced Member


مركز التسجيل : السعودية


مُساهمةموضوع: رد: كارثة التعليم المفتوح والحقيقة الزائفة للدراسات العليا   الثلاثاء 25 نوفمبر 2014, 4:55 pm

بس عاوزة افهم ازاي جامعات اوروبية بريطانية كبيرة بتقبل وبتعترف بشهادتنا والجامعة نفسها اللي عملت المركز مش بتقبل بينا؟؟؟؟
الرجوع الى أعلى الصفحة اذهب الى الأسفل
محمود حسن
Newbie
Newbie


مركز التسجيل : Egypt


مُساهمةموضوع: رد: كارثة التعليم المفتوح والحقيقة الزائفة للدراسات العليا   الخميس 27 نوفمبر 2014, 2:14 pm

الاخوة الزملاء
هذا رابط صفحة الفيس بوك لمن يريد الانضمام لحملة المطالبة بحقوقنا في الدراسات العليا ؛ والله من وراء القصد
[ندعوك للتسجيل في المنتدى أو التعريف بنفسك لمعاينة هذا الرابط] ممنوع وضع روابط الفيس بوك ).com/Shabab.Mokafe7
الرجوع الى أعلى الصفحة اذهب الى الأسفل
محمود حسن
Newbie
Newbie


مركز التسجيل : Egypt


مُساهمةموضوع: رد: كارثة التعليم المفتوح والحقيقة الزائفة للدراسات العليا   الخميس 27 نوفمبر 2014, 2:17 pm

وهذا توضيح اكثر باللغة العربية لاسم الصفحة
ثلاثه دبليو دوت فيس بوك دوت كوم / شباب مكافح7
وفي انتظار تضامنكم وارائكم وافكاركم
الرجوع الى أعلى الصفحة اذهب الى الأسفل
محمود حسن
Newbie
Newbie


مركز التسجيل : Egypt


مُساهمةموضوع: رد: كارثة التعليم المفتوح والحقيقة الزائفة للدراسات العليا   الجمعة 28 نوفمبر 2014, 12:27 pm

ممكن الاخت سارة تقولنا اسماء الجامعات الا بتتكلم عنها ؟
الرجوع الى أعلى الصفحة اذهب الى الأسفل
 
كارثة التعليم المفتوح والحقيقة الزائفة للدراسات العليا
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 3انتقل الى الصفحة : الصفحة السابقة  1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
جامعة القاهرة للتعليم المفتوح - منتديات المنار التعليمية :: كليات جامعة القاهرة للتعليم المفتوح :: الدراسات العليا بالتعليم المفتوح-
انتقل الى: