جامعة القاهرة للتعليم المفتوح - منتديات المنار التعليمية

مواقع صديقة
http://extreme-english-learn.blogspot.com.eg مدونة اللغة الانجليزية

جامعة القاهرة للتعليم المفتوح - منتديات المنار التعليمية

منتديات طلاب التعليم المفتوح جامعة القاهرة .. تعليمية - ثقافية - اجتماعية
 
الرئيسيةالبوابةس .و .جبحـثالتسجيلدخول

شاطر | 
 

 قرار تأجي الامتحانات لدور يوليو لازم يتغير حرااااااااااااااام

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
nore319
Newbie
Newbie


مركز التسجيل : مكتب تسجيل المنصورة


مُساهمةموضوع: قرار تأجي الامتحانات لدور يوليو لازم يتغير حرااااااااااااااام   السبت 19 فبراير 2011, 6:41 pm

السلام عليكم
حرام علي الجامعه المفتوحه انها تبهدلنا بالشكل دا يعنى ايه نقدر نجمع 10 مواد فى وقت واحد غير كدا لو حد راسب فى مواد سابقه ممكن يكونو يعدو معاه لل12 ماده هتقولولى ياخد على اده طيب ماهو لو كانت الامتحانات متأجلتش لأخر العام كان خد 7 و 5 عادى
كل الناس المسؤله فى الثوره تنازلت عن حاجات كتير للشعب القوات المسحله الوزرا كلهم
والجامعه المفتوحه مش هاين عليها تتنازل لنا شويه ودا حقنا
والله حرااااااااااااااام
ارجوكم كلكم يا طلبه الجامعه المفتوحه تبدو اعتراضاكم لإسلوبهم دا فى انهم يعملو الترمين فى ترم واحد
الرجوع الى أعلى الصفحة اذهب الى الأسفل
Yasmeen
Regular Member
Regular Member



مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   السبت 19 فبراير 2011, 6:57 pm

وانا كمان بضم صوتي ليكي يااخت نور... حرام التيرم ده يضيع ولازم يحلوا المشكلة بعقد امتحانات في كل بلد بها فرع الجامعة المفتوحة في شهر ابريل ... وانا عن نفسي لا تسمح لي الظروف بأخذ اكثر من 5 مواد ...
الرجوع الى أعلى الصفحة اذهب الى الأسفل
abdou elsayed
Newbie
Newbie



مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   السبت 19 فبراير 2011, 7:49 pm

ايوه يا جامعة القرار ده كده حرام احنا نقعد نمتحن شهر ده كده كتير خصوصا انى الواحد اعصابه بتتعب من ضغط الامتحانات فلازم نعترض بس انا بقول كل واحد عنده اقتراح يقوله والاقتراح المناسب للجميع نعمل تصويت عليه ونطالب بيه زى ما طالبنا بالغاء التامين الصحى [/size]
الرجوع الى أعلى الصفحة اذهب الى الأسفل
nore319
Newbie
Newbie


مركز التسجيل : مكتب تسجيل المنصورة


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   السبت 19 فبراير 2011, 9:21 pm

تمام اوى بس نعمل دا ازاى يا جماعه غير تعب الاعصاب ان رمضان اول 8 يعنى ممكن كمان نمتحن فى رمضان وهيبقى فى عز الحر لآننا هنمتحن شهر متواصل كدا بجد صعب علينا من جميع الجهات
كان فيه اقتراح انهم ينجحو المسجلين كلهم بتقدير مقبول طبعا هما استحاله كانو يوافقو على الاقتراح دا لآنهم هيخسرو علشان الى كانو هيرسبو كانو هيكسبو من وراهم لإعادة الماده بتاعتهم ودا يعارض مصالحهم الماديه
احنا كمان لنا مصالح ولازم يضعوها فى الاعتبار ارجوكم اقترحو نعمل ايه ونشتكى ازاى وبأى وسيله شكرا لكم
الرجوع الى أعلى الصفحة اذهب الى الأسفل
abdelazem salama
Newbie
Newbie


مركز التسجيل : مركز جامعة القاهرة ل


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   السبت 19 فبراير 2011, 11:03 pm

السادة إدارة مركز جامعة القاهرة للتعليم المفتوح
تحية طيبة وبعد
أود أن أحيط علم سيادتكم أن قرار ضم ترم يناير مع يوليو
هذا قرار ظالم وتعسفى وأيضاً تم إتخاذ هذا القرار دون مراعاة صالح الدارسين
حيث أننا قد قمنا بمجهود كبير خلال الترم الحالى
من حضور ودراسة ومراجعة طوال الترم حتى ليلة الإمتحان
ومن الظلم أن تقرر سيادتكم ضم الترمين مع بعض
حيث مطلوب مننا أن نعيد المجهود الذى بذلناه خلال الترم الحالى مع مجهود ترم أخر فهذا ليس من العدل
وإننى أرا
أن مدة إمتحان الستون ألف طالب كما ذكرتم خمسة عشر يوماً وليس طوال العام فمن الممكن أن تتفضلو بتأجيل دارسة الطلاب النظاميين إسبوعين لحين الإنهاء من إمتحانات طلاب التعليم المفتوح وليس تأجيل الترم بالكامل
وأخيراً رجاء من سيادتكم النظر إلى أبنائكم الدارسين فى المركز بعين الرأفة والرحمة
وليس من العدل أن تضيعو علينا ترم كامل
ولسيادتكم وافر الشكر والتقدير


الرجوع الى أعلى الصفحة اذهب الى الأسفل
darkyears
Newbie
Newbie


مركز التسجيل : فرع المنصورة


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   السبت 19 فبراير 2011, 11:16 pm

انا بصراحة مش فاهم اللى هما قالوه فى الموقع بتاع الجامعة
قالوا ان ممكن تأجيل مواد
وبعيدن قالوا انوا ممكن نمتحن من 1 مقرر إلى 10 مقررات حسب ارادتنا
وبعدين قالوا مع مراعاة التعارض فى المواد .
انا بصراحة مش فاهم وياريت حد يفهمنى يا جماعة وخصوصا ان انا فى الترم الرابع اللى هايضموه مع الترم الخامس يعنى انا اساسا فى نص السلم ولا فى سنة تانية ولا تالتة غير انى هاتجوز فى شهر يوليو يعنى العملية بايظة فياريت حد يفهمنى علشان فهمى تقيل شوية.
الرجوع الى أعلى الصفحة اذهب الى الأسفل
darkyears
Newbie
Newbie


مركز التسجيل : فرع المنصورة


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   السبت 19 فبراير 2011, 11:24 pm

بجد انا مستنى رد من أى أخ من الأخوة.... انا محتاج أفهم بالتفصيل.
على وجه السرعة..
الرجوع الى أعلى الصفحة اذهب الى الأسفل
nore319
Newbie
Newbie


مركز التسجيل : مكتب تسجيل المنصورة


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   السبت 19 فبراير 2011, 11:26 pm

الف مبروك مقدما وربنا يتمم لحضرتك على خير ياسيدى بيقولو ان الى هيمتحن فى شهر ابريل بس الى هما فى الترم التامن يعنى الى متوقف تخرجه على الترم دا وبس لآن معندمش اماكن الا 3000 مكان بس وبالنسبه لحضرتك علشان ترم خامس هتمتحن فى شهر يوليو وبراحتك عايز تكملهم 10 يعنى تزود خمس مود كمان ذى ما حضرتك عايز غير كدا كمان انهم هيخلو الامتحان مده 30 يوم بدل 17 يوم علشان يسيبو ايام بين الماده والتانيه بقدر كافى علشان تقدر تستوعب العشر موادقادرين احنا على خمس مواد علشان نقدرعلى 10 والف مبروك مقدما مره تانيه
الرجوع الى أعلى الصفحة اذهب الى الأسفل
nore319
Newbie
Newbie


مركز التسجيل : مكتب تسجيل المنصورة


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   السبت 19 فبراير 2011, 11:30 pm

شكرا جزيلا استاذ عبد العظيم وكلام حضرتك المكتوب حلو جدا وهل حضرتك كتبته على الفيس بوك ولا على صفحتك بالموقع بتاع الجامعه المفتوحه انا اناشد كل طلبه الجامعه المفتوحه انهم ياخذو نسخه من هذا الخطاب الى كاتبه استاذ عبد العظيم ويعمله كوبي بالبريد الادراى بتاعه على صفحته يعنى يرسل رساله للإداره من صفحته علشان الادراه تعلم ان الاجماع على رفض قرارهم المشين لنا شكرا لكم جميعا
الرجوع الى أعلى الصفحة اذهب الى الأسفل
darkyears
Newbie
Newbie


مركز التسجيل : فرع المنصورة


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الأحد 20 فبراير 2011, 12:28 am

شكرا على استجابتك السريعة
جزاك الله خيرا
بس كدا الموضوع فعلا هايبقى صعب جدا
جدا جدا خصوصا فى حالتى دى
الله المستعان
الرجوع الى أعلى الصفحة اذهب الى الأسفل
abdou elsayed
Newbie
Newbie



مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الأحد 20 فبراير 2011, 2:37 am

نريد مشاركة ايجابية اكتر ياجماعة علشان ده مستقبلنا وحرام انى نحضر محاضرات ومذاكرة وبعده كده يروح هدر واطالب بالاقتراحات اين الاقتراحات الجيده اين انت يااستاذ حمدى واين اقتراحاتك حتى نختار مايناسبنا واين اقتراحات الاعضاء المتميزين ونرحب باقتراحات باقى الكليات حتى نختار من بينها مايناسبنا ونطالب به
الرجوع الى أعلى الصفحة اذهب الى الأسفل
عمرو الشاعر
Regular Member
Regular Member


مركز التسجيل : جامعة القاهرة


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الأحد 20 فبراير 2011, 3:17 am

انا كنت عارف ان ده هيحصل وكتبت ده من كام يوم وكان هدفى ان يحصل تفاعل عشان فى حالة تاكيد القرار نكون كنا خدنا احنا كمان قرار عموما انا بقترح اننا ناخد موقف بمعنى اننا نعمل وقفه احتجاجيه وانا عملت صفحه ع الفيس بوك أسمها ( أتحاد طلبة التعليم المفتوح ) وياريت الجميع يشترك فيها عشان نجمع اكبر عدد من الاصوات ونبدأ نعمل حاجه
الرجوع الى أعلى الصفحة اذهب الى الأسفل
abdelazem salama
Newbie
Newbie


مركز التسجيل : مركز جامعة القاهرة ل


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الأحد 20 فبراير 2011, 9:02 am

شكراً يا أستاذه نور

على فكرة أنا قد قمت بإرسال الرسالة السالف ذكرها على البريد الإدارى لى و لعدة أصدقاء فبرجاء من كل الزملاء سرعة تفيعل الموقف حيث أن الوقت يمر بسرعة فبرجاء أن نبحث عن حل قبل نهاية الإسبوع الحالى

وأيضاً شكراً يا أستاذ عمرو على موقفك وأضم صوتى إلى صوتكم لابد من وقفة إحتجاجية بسرعة برجاء منشادة كل الزملاء فى الجامعة بسرعة التأزر والتكاتف لإتخاذ موقف فى أسرع وقت ممكن

والله الموفق

الرجوع الى أعلى الصفحة اذهب الى الأسفل
fatah1234
Newbie
Newbie



مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الأحد 20 فبراير 2011, 1:07 pm

انا كمان مشاركة معاكوا خصوصا اني عندي التذامات اخرى خاصة بشغلي واسرتي واطفالي اللي ف المدارس يعني مينفعش كدة خالص
الرجوع الى أعلى الصفحة اذهب الى الأسفل
abdou elsayed
Newbie
Newbie



مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الأحد 20 فبراير 2011, 3:09 pm

يا جماعه انا بقترح انى احنا نمتحن دور يناير 2011 مع امتحانات الترم البينى شهر 5 وفى نفس الوقت نسجل فى الترم الجديد زى ماحنا علشان الى بيقول انى نمتحن كمان اسبوع او اتنين مش هينفع علشان كلنا نسينا الى ذاكرانه فى فترت الحصار الى كان مفروض علينا ثم انتصار الثورة بعدها وعلى المركز وضع جدول امتحانات مناسب فى الترم البينى يناسب الطلاب ولازم نجى على نفسنا شوية ياجماعة علشان الترم ده ميروحش علينا وده اقتراح والى عنده اقتراح اخر يقول عليه حتى نختار مايوافقنا
الرجوع الى أعلى الصفحة اذهب الى الأسفل
nore319
Newbie
Newbie


مركز التسجيل : مكتب تسجيل المنصورة


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الأحد 20 فبراير 2011, 9:03 pm

يا استاذ عبده السيد حضرتك بتقول يبقا ترم بينى معنى كدا ان المحافظات تسافر كل يوم القاهره وتمتحن هناك الخمس مواد غير الى واحد 7 او 6 مواد بالرسوب الى عنده لآ طبعا حرام
هما واجب عليهم يتصرفو ويلاقولنا حل كان ممكن نمتحن بدايه من الاسبوع الى فات لو احنا نهمهم وكان المفروض نبدأ من بدرى لكن مش هنقعد نقول كان وكان احنا فعلا نسينا الى ذاكرناها لكن اول ما نبدأ تانى هنلاقي نفسنا افتكرنا احسن ما نفضل لغايه شهر 7 فعلا هننسى خالص
وحضرتك يا استاذ عمرو ياريت تضع لنا اللينك بتاع صفحه الفيس بوك علشان ندخل ونشارك فيها كلنا يمكن صوتنا يوصلهم علشان الى مش قادر يوصلها
ياريت الكل يبدأ بالمشاركه وارسال الرسائل بالبريد على صفحته
المفروض يتصرفو ويأجرو اى اماكن لمدة اسبوعين بس بالمحافظات ويمتحنونا
منتظره منك استاذ عمرو لينك الفيس بوك علشان كلنا نشارك فيه
الرجوع الى أعلى الصفحة اذهب الى الأسفل
عمرو الشاعر
Regular Member
Regular Member


مركز التسجيل : جامعة القاهرة


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الأحد 20 فبراير 2011, 11:35 pm

الصفحه على الفيس بوك هى

أتحاد طلبة التعليم المفتوح


وده اللينك amrelshaer58@groups.facebook.com
الرجوع الى أعلى الصفحة اذهب الى الأسفل
marina
عضوه فى إدارة المنتدى
عضوه فى إدارة المنتدى



مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الإثنين 21 فبراير 2011, 4:31 am

انا عندى اكونت على الفيسبوك لكن اى جروب على الفيسبوك مش بعرف اوصلة ازاى اعرف ادخل على الجروب
الرجوع الى أعلى الصفحة اذهب الى الأسفل
Yasmeen
Regular Member
Regular Member



مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الإثنين 21 فبراير 2011, 8:54 am

انا بقترح انهم لو هيمتحنونا يكون كل واحد في بلده ... انا مش هقدر ارجع مصر في الفترة دي علشان الشغل واعتقد في غيري كمان ... غير كدة انا مع كلام الزميلة نور بخصوص اقتراح الزميل عبده السيد .. والمفروض يراعوا ظروف الكل ولازم نكلم مكتب استعلامات الطلبة هناك بالجامعة ... انا بفضل ان المتواجدين بمصر يروحوا هناك ويتكلموا الايميل لوحده مش كفاية لازم نعمل خطوة ايجابية جادة .
هنا في البحرين كلمنا مكتبنا والمسئول عن عقد الامتحانات بالبحرين وحاولنا معاه اننا نمتحن بس مفيش فايدة قال ضم تيرمين .
الرجوع الى أعلى الصفحة اذهب الى الأسفل
nore319
Newbie
Newbie


مركز التسجيل : مكتب تسجيل المنصورة


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الإثنين 21 فبراير 2011, 12:12 pm

يا استاذ عمرو اللينك الى حضرتك كاتبه مش مجدى مع الكل بيطلع لنا ارسال رساله
مارينا حاولى تتدخلى على اللينك الى هكتبه
http://www.facebook.com/profile.php?id=508812344#!/profile.php?id=100002092577816&sk=wall

وياسمين عندها حق لازم الناس الى فى القاهره تحاول تساعدنا وذى ما عملو احتجاجات يوم السبت وبدأ التحاور معاهم يعملو احتجاج تانى علشان الامتحان او بلاش احتجاج الى تحاور المره الى فاتت مع رئيس الجامعه يطلب يكلمه تانى بسبب الامتحانات دى حرام والله بجد وعلى فكره انا بعت الرساله وقالولى تم رفع الشكوى للمسؤلين طبعا بيسكتونا وخلاص هو انتى يا ياسمين هنا ولا فى البحرين وبعدين هما قالو الامتحانات هتتأجل فى مصر بس والدول العربيه ذى ماهى فى مواعيدها
الرجوع الى أعلى الصفحة اذهب الى الأسفل
nore319
Newbie
Newbie


مركز التسجيل : مكتب تسجيل المنصورة


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الإثنين 21 فبراير 2011, 2:51 pm

يا جماعه الموضوع بدأ يأخذ بجديه وعلى الفيس بوك بدأو ينفدو فعلا وهيروحو يوم الاحد الجامعه وهيجتمعو كلهم يوم الثلاث وربنا يسهلك اللينك اهو علشان تتابعو معانا الموقف هناك
http://www.facebook.com/pages/%D9%85%D8%B4%D8%A7%D9%83%D9%84-%D8%A7%D9%84%D8%AA%D8%B9%D9%84%D9%8A%D9%85-%D8%A7%D9%84%D9%85%D9%81%D8%AA%D9%88%D8%AD/121430251224291?sk=wall
الرجوع الى أعلى الصفحة اذهب الى الأسفل
عمرو الشاعر
Regular Member
Regular Member


مركز التسجيل : جامعة القاهرة


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الإثنين 21 فبراير 2011, 3:15 pm

اللى مش قادر يوصل عن طريق اللينك يكتب فى البحث فى صفحة الفيس بوك أتحاد طلبة التعليم المفتوح
الرجوع الى أعلى الصفحة اذهب الى الأسفل
Yasmeen
Regular Member
Regular Member



مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الإثنين 21 فبراير 2011, 4:27 pm

منا المفروض كنت همتحن في مصر .. مكنش فيه امتحانات في البحرين الا اذا كنتي هتدفعي فلوس وتمتحني امتحان خاص في البحرين علشان كدة قولت انزل مصر امتحن علشان التكاليف هتكون اقل بالنسبالي... وتاجلت ولما رجعت حاولت معاهم ومع جموعة معايا برضه نفس حكايتي ولكن رفضوا وقالوا ضم التيرمين في شهر 7
الرجوع الى أعلى الصفحة اذهب الى الأسفل
abdou elsayed
Newbie
Newbie



مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الإثنين 21 فبراير 2011, 5:24 pm

يا جماعة هو اتضح انى المشكلة فى المكان مش فى الزمن بديل انى لو كن هنمتحن كنا هنمتحن فى شهر ابريل اما بالنسبة للمكان فهو ده المشكلة علشان كده هم مقدروش يوفر غير لعدد3000 طالب انا عايز انى احنا نبدى اقتراحتنا فى مشكلة المكان دى علشان ده مستقبلنا احنا مش هم ويخصنا احنا كتر فى ناس بتقول ان المركز يؤجر امكان علشان يستوعب جميع الاطلاب يعنى ده راى الى عنده راى اوفكرة لايبخل علينا بها لعلنا نساهم فى الحل
الرجوع الى أعلى الصفحة اذهب الى الأسفل
somya
VIP
VIP


مركز التسجيل : Cairo Univ 


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الإثنين 21 فبراير 2011, 9:25 pm

انا عايزة نمتحن في اقرب وقت فعلا لان 10 مواد صعب جدا وانا في قطر ومش هينفع امتحن في شهر 7 لان عندنا ظروف خاصة وزواج اخويا وعموما لو القرار دة متغيرش هنلاقي الملاحق والرسوب كتير جدا لاننا مش هنقدر نجمع كل دة


ربنا يستر
الرجوع الى أعلى الصفحة اذهب الى الأسفل
nore319
Newbie
Newbie


مركز التسجيل : مكتب تسجيل المنصورة


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الإثنين 21 فبراير 2011, 10:22 pm

اصلا هما عاملين القرار دا علشان الكل يرسب وهما يستفيدو من اعاده الامتحان لينا بالرسوم الى بتدفع فرصه بالنسبالهم احسن بيعوضو خسارتهم مننا احنا ذى ما دايما بيعملو معانا المهم تبعتو الرساله الى قولتلكو عليها
الرجوع الى أعلى الصفحة اذهب الى الأسفل
marina
عضوه فى إدارة المنتدى
عضوه فى إدارة المنتدى



مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الثلاثاء 22 فبراير 2011, 3:11 am

شكرا nore319 على اللينك
الرجوع الى أعلى الصفحة اذهب الى الأسفل
somya
VIP
VIP


مركز التسجيل : Cairo Univ 


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الثلاثاء 22 فبراير 2011, 4:09 am

في حد هنا قال اننا ممكن نمتحن في التيرم البيني


هو في تيرم بيني للدول العربية و قطر بالتحديد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
Unique
Newbie
Newbie


مركز التسجيل : QATAR


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الثلاثاء 22 فبراير 2011, 7:03 am

الحمد لله

قدر الله وماشاء فعل

ياجماعة الخير انا عندي حل وسط يرضي جميع الاطراف ان شاء الله

ان كل الطلبة بكل الدول والمحافظات توافق على قرار الجامعة بشرط

تخفيف المنهج

اي ان تقلل من كمية المنهج المقرر لكل ماده

وتلغي دروس كثيره

وبكده نقدر نركز شوي

حتى لو 10 مواد احنا ان شاء الله نقدر

انتوا نسيتوا ان احنا في الثانويه والمدارس بندرس اكثر من 10 مواد بالسنه

انا بشوف ده حل كويس وان شالله ادارة الجامعه تعمل بيه لانه مش ح يخسر حد حاجه

وان شالله خير يارب

وشكراً لكم وبنا يوفق الجميع ان شالله
الرجوع الى أعلى الصفحة اذهب الى الأسفل
Yasmeen
Regular Member
Regular Member



مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الثلاثاء 22 فبراير 2011, 9:36 am

لا اكيد مانسناش بس لما كنا في المدارس مكنش فيه ورانا حاجة وانا هتكلم عن نفسي .. مكنش فيه ورايا شغل كنت بروح المدرسة وبشوف المدرسين بعرف المنهج كل يوم الي بأخذه بعدين بذاكر وببقى مركزة ..
في الجامعة المفتوحة دلوقتي بقيت بشتغل وبكمل دراستي وللأسف خارج مصر يعني مش بحضر محاضرات حتى لو مرة او مرتين .. ثانيا المذاكرة اعتماد على نفسك وغير كدة المنهج بتحملوا وبعد ماتذاكروا بيقولولك لآ في تحديث وتغيير هترجع لتحميل المواد من اول وجديد ... ربنا هيسهل ان شاءالله بس انا معرفش ظروف الباقي علشان اقدر احكم يقدر ياخذ 10 فلو انت تقدر غير مايقدرش المفروض نراعي ظروف الكل .
الرجوع الى أعلى الصفحة اذهب الى الأسفل
Unique
Newbie
Newbie


مركز التسجيل : QATAR


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الثلاثاء 22 فبراير 2011, 11:15 am

انا وانا بكتب الاقتراح السابق قلت اكيد البعض مش راح يفهمني

لان انا كمان عندي ظروف شديده لدرجه اوقات افكر انسحب من الجامعه
لأني ام وعندي أطفال وماما تعبانه وعندي شغل وبدرس كمبيوتر كمان
لكن بنظم وقتي والحمدلله الامور ماشيه _ غير كده اني موجوده في قطر
يعني بعتمد على دراستي بس بدون محاضرات ولاحد بيشرح لي

وكمان بفكر بعقلانيه وبفكر بأكثر من حل
مش بحط حل واحد وقول لازم يصير ولا اتعب

وعلى كل حال بقول وعسى ان تكرهوا شيئاً وهو خير لكم



وان شالله خير وانا مع الاغلبيه وبفكر بالكل
وفي الاخير القرار للجامعه
الرجوع الى أعلى الصفحة اذهب الى الأسفل
darkyears
Newbie
Newbie


مركز التسجيل : فرع المنصورة


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الثلاثاء 22 فبراير 2011, 3:21 pm

لو هانتكلم بصراحة انا الدنيا خربت عندى الشهر اللى فات علشان انا سيبت الشغل. دلوقتى انا بصراحة نسيت اللى انا ذاكرته. لو الامتحانات بقت قريبة انا مش عارف هاعمل ايه وهاسيب الشغل تانى ازاى دلوقتى؟! موضوع ضم الترمين صعب عليا وعلى الناس بس انا باتكلم عن نفسى.الخسارة البعيدة هاتبقى أقل ضرر من الخسارة القريبة.انا مش بافرض أى رأى على أى حد. انا باتكلم معاكم كأخ أصغر ... مش أكتر.والله المستعان
الرجوع الى أعلى الصفحة اذهب الى الأسفل
marina
عضوه فى إدارة المنتدى
عضوه فى إدارة المنتدى



مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الثلاثاء 22 فبراير 2011, 10:50 pm

طب اية العمل 10 مواد صعب نمتحنها فى شهر واحد وكمان دلوقتى الواحد لسة اعصابة مضطربة وقلقان على البلد والامن لسة مش فيها ومش مستعد لامتحان بدليل تاجيل الدراسة كل شوية
الرجوع الى أعلى الصفحة اذهب الى الأسفل
darkyears
Newbie
Newbie


مركز التسجيل : فرع المنصورة


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الأربعاء 23 فبراير 2011, 2:11 am

سامحونى لو قلت لكم انى بدأت أحس بيأس وخيبة أمل.... أنا شايف ان انا نسيت المناهج يعنى مش هاعرف اذاكر أو حتى مش هألحق .. غير كدا لو الترم كله اتأجل برضوا موضوع الــ 10 مواد هايبقى كتير.
بصراحة انا مش عارف
الرجوع الى أعلى الصفحة اذهب الى الأسفل
somya
VIP
VIP


مركز التسجيل : Cairo Univ 


مُساهمةموضوع: رد: قرار تأجي الامتحانات لدور يوليو لازم يتغير حرااااااااااااااام   الأربعاء 23 فبراير 2011, 2:16 am

الواحد مش عارف يعمل ايه انا رأيي يعملوا تيرم بيني للكل وكمان الدول العربية مش مصر بس عشان يخففو علينا وحتى لو التيرم البيني بيبقى مثلا في شهر 4 او 5 عادي نكون سجلنا وبندرس التيرم الثاني ووقت الامتحان نراجع وندخل الامتحان وربنا يستر

لكن 10 مواد غير ان في ناس ممكن عندها ملاحق ولا رسوب وكمان مدة الامتحان طووووويييييلة والواحد هيفضل مربوط غير ان في احتمال انه ممكن يشبك في رمضان
يبقى ايه الحل؟؟؟؟؟؟؟؟؟؟؟
وخصوصا ان الدول العربية بتمتحن قبل اذان المغرب بساعة وانا في الامتحان بتروح عليا المغرب لان العشاء بتأذن في وقت الامتحان بردو ومش معقولة يعملو الامتحان بعد التراويح لان الواحد يا إما يصلي ياإما بينام يعني انا عايزة اقول ان في كل الحالات مش هينفع رمضان في الامتحانات او بمعنى اصح الامتحانات في رمضان
غير ان الواحد عايز يعرف الاجازة بتاعته هتبقى اد كل اجازة ولا هيقلصوها عشان باقي السنين ما تتلخبطش عشان هما كانو بيقولو ان ممكن يأجلو الدراسة وهيزودو الوقت الي اجلوه لوقت المنهج يعني الاجازة ممكن تقل فاهمينني حد يلاقيلي جواب لأسئلتي انا مش بعرف انام من التفكير والقلق

ربنا يسهلها علينا
الرجوع الى أعلى الصفحة اذهب الى الأسفل
 
قرار تأجي الامتحانات لدور يوليو لازم يتغير حرااااااااااااااام
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
جامعة القاهرة للتعليم المفتوح - منتديات المنار التعليمية :: كليات جامعة القاهرة للتعليم المفتوح :: اخبار التعليم المفتوح-
انتقل الى: